Watch: හම්බන්තොට මහාධිකරණයෙන් හයදෙනෙකුට මරණ දඬුවම ලබාදෙයි
Wednesday, 24 May 2023 - 11:55 am
හම්බන්තොට ගොන්නොරුව කැටැන්වැව ප්‍රදේශයේදී 2003/04./14 දින 30හැවිරිදි පුද්ගලයෙකු පුද්ගලයකු කපා කොටා ඝාතනය කිරීමේ වරදට වැරදිකරුවන් වූ චූදිතයන් හය දෙනෙකුට හම්බන්තොට මහාධිකරණය ඊයේ(23) මරණීය දණ්ඩනය නියම කළා.
මෙලෙස මරණ දඬුවම නියම වූයේ හම්බන්තොට ගොන්නොරුව හා කැටැන්වැව යන ප්‍රදේශවල පදිංචි පුද්ගලයන් හය දෙනෙකුට ය.
චූදිතයන් එක්ව අලුත් අවුරුදු දා 30 හැවිරිදි අවිවාහක පුද්ගලයකු පහර දී කපා කොටා ඝාතනය කර තිබේ.
සිද්ධියට අදාළව සැකකරුවන් විසි එක් දෙනෙකු හම්බන්තොට පොලීසිය විසින් අත්අඩංගුවට ගෙන අධිකරණයට ඉදිරිපත් කිරීමෙන් පසු චූදිතයින් විසි එක් දෙනා සඳහා හම්බන්තොට මහාධිකරණය හමුවේ නඩු පවරන ලදී.
චූදිතයින් හය දෙනකු හයදෙනකු අදාළ ඝාතනය සඳහා වැරදිකරුවන් බව ඔප්පු විණි.
අදාළ චෝදනා සඳහා වැරදිකරු වූ චූදිතයන් හය දෙනාට ඒ අනුව හම්බන්තොට මහාධිකරණ විනිසුරුවරයා මරණීය දණ්ඩනය නියම කෙරුණා.
