මගී යාත්‍රාවක් ගිනි ගැනීමෙන් පිලිපීනයේ 31 දෙනෙක් මියගොස් ඇති බව විදෙස් මාධ්‍ය වාර්තා පවසයි.
එම යාත්‍රාවේ සිටි තවත් 230 දෙනෙක් බේරාගැනීමට සහන කණ්ඩායම් සමත් විය.
ඊයේ (29) රාත්‍රී එම යාත්‍රාවේ වායුසමීකරණ කුටීර තුළින් ගින්න හටගෙන ඇති බව විදෙස් මාධ්‍ය වාර්තා කරයි.
මියගිය අය අතර මාස 6ක් වයසැති බිළිඳෙකු ඇතුළු දරුවන් තිදෙනෙකු ද වේ.
යාත්‍රාව ගිනිගන්නා අවස්ථාවේ එහි කී දෙනෙක් සිටියාද යන්න සම්බන්ධයෙන් පැහැදිලි තොරතුරක් නොමැති බව බලධාරීන් පැවසීය.
