බ්‍රිතාන්‍යයේ හැරී කුමරු සහ ජනප්‍රිය ගායක එල්ටන් ජෝන් බ්‍රිතාන්‍යයේ මාධ්‍ය ආයතනයකට එරෙහිව නීතිමය පියවර ගනිමින් සිටිති.
ඔවුන් ඒ සඳහා ලන්ඩනයේ අධිකරණයක් වෙත පැමිණ තිබිණි. ඔවුන් මේ ආකාරයෙන් නීතිමය පියවර ගෙන ඇත්තේ ප්‍රකට ඩේලි මේල් (Daily Mail) පුවත්පත පළ කරන ඇසෝසියේටඩ් නිව්ස්පේපර්ස් (Associated Newspapers) ආයතනයට එරෙහිවය.
ප්‍රසිද්ධ පුද්ගලයන් ගැන තොරතුරු ලබා ගැනීම සඳහා මෙම ආයතනය සාපරාධී ආකාරයෙන් සහ පුද්ගලයන්ගේ පෞද්ගලිකත්වය උල්ලංඝනය වන ආකාරයෙන් කටයුතු කර ඇති බවට හැරී කුමරු ඇතුළු කිහිප දෙනෙකු චෝදනා කර තිබේ.
රහසින් සවන් දීමේ උපකරණ වින්දිතයන්ගේ නිවෙස්වල සහ මෝටර් රථවල සවි කිරීම, දුරකතන සංවාදවලට රහසින් සවන් දීම, තොරතුරු ලබා ගැනීම සඳහා පොලිසියට මුදල් ලබා දීම වැනි චෝදනා ද එල්ල කර තිබේ.
හැරී කුමරුට සහ එල්ටන් ජෝන්ට අමතරව තවත් කලාකරුවන් කිහිප දෙනෙකුද මෙම නීතිමය කටයුත්ත හා සම්බන්ධව සිටින බව වාර්තා වේ.
