ශ්‍රී ලංකාවට පළමු ටෙස්ට් තරඟයෙන් සිය ටෙස්ට් ඉතිහාසයේ දැවැන්තම ජයග්‍රහණය වාර්තා කරයි
Tuesday, 18 April 2023 - 3:43 pm
(කවිඳු ප්‍රියමන්ත නීලවල)
ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැති ශ්‍රී ලංකා -අයර්ලන්ත පළමු ටෙස්ට් තරගය ඉනිමකින් සහ ලකුණු 281කින් ජයගන්නට ශ්‍රී ලංකාව අද සමත් වුණා. මෙය ශ්‍රී ලංකාව සිය ටෙස්ට් ඉතිහාසයේ ලැබූ දැවැන්තම ජයග්‍රහණයයි.
මේ තරගයේ පළමුව පන්දුවට පහරදුන් ශ්‍රී ලංකා කණ්ඩායම පළමු ඉණිමට කඩුලූ 6 ක් දැවී ලකුණු 590 එකක් රැස්කළා එහිදී නායක දිමුත් කරුණාරත්න ලකුණු 179යි, කුසල් මෙන්ඩිස් ලකුණු 140යි, දිනේෂ් චන්දිමාල් නොදැවී ලකුණු 102ක් සහ සදීර සමරවික්‍රම නොදැවී 104 ක් රැස් කළා.
පළමු ඉනිම ක්‍රීඩා ක්‍රීඩා කල අයර්ලන්තය ලකුණු 143ක ට දැවී ගියා, එහිදී ලකුණු 52 කට කඩුලූ 7 ක් ලබාගත්තා.
යළි දෙවෙනි ඉනිම ක්‍රීඩා කිරීමට සිදු වූ අයර්ලත්නයට ඉනිමක පරාජයෙන් බේරීම සඳහා හිමි වූ ඉලක්කය ලකුණු 441ක්. එම ඉල්ලකය හම්බ ගිය අයර්ලන්ත දෙවන ඉනිම ලකුණු 168කට සීමා වුණා.
එහිදී රමේෂ් මෙන්ඩිස් කඩුළු 4ක්, ප්‍රභාත් ජයසුරිය කඩුලු 3ක් සහ සහ විශ්ව ප්‍රනාන්දු කඩුලු දෙකක් දවගත්තා.
