Watch: කළුතර ලැගුම්හලක උඩු මහළකින් වැටී මියගිය 16 හැවිරිදි දැරියගේ මරණයේ සැකකරුවන් යලි රිමාන්ඩ්
Friday, 26 May 2023 - 2:07 pm
කළුතර ලැගුම්හලක උඩු මහළකින් වැටී මියගිය 16 හැවිරිදි දැරියගේ මරණය සම්බන්ධයෙන් අත්අඩංගුවට ගත් ප්‍රධාන සැකකරු ඇතුළු 4 දෙනා අද අධිකරණයට ඉදිරිපත් කල අතර ඔවුන් ජුනි 09 දක්වා යලි රක්ෂිත බන්ධනාගාර ගත කර තිබෙනවා.
මියගිය පාසල් සිසුවිය තවත් තරුණයින් දෙදෙනකු සහ තරුණියක් සමඟ ප්‍රදේශයේ හෝටලයක පසුගිය 06 වනදා පස්වරු 6.30ට පමණයි.
පසුව ඔවුන් සිය ජාතික හැඳුනුම්පත් ඉදිරිපත් කර අදාළ හෝටලයෙන් කාමර දෙකක් වෙන්කරගෙන එලෙස කාමර දෙකක් වෙන්කරගෙන ඒ වෙත ගමන් කළද සිව්දෙනාම එක් කාමරයක සිට මත්පැන් පානය කරන බව හෝටල් සේවකයෙකු දැක ඇති බවයි වාර්තා වූයේ.
පසුව අදාළ පිරිසෙන් එක් තරුණියක් සහ තරුණයෙක් හෝටලයෙන් පිටත්ව ගොස් තිබුණා.
අනතුරුව අදාළ හෝටලයට ආහාර ලබාගැනීමට පැමිණි අයෙකු හෝටලයට යාබඳ දුම්රිය මාර්ගයේ කාන්තාවක් නිරුවතින් වැටී සිටින බවට හෝටල් කාර්ය මණ්ඩලයට පවසා තිබු අතර එය පොලිසියට දැනුම් දීමෙන් පසු පරීක්ෂණ ආරම්භ කලා.
