අපිට හිමි ආසියානු කුසලාන සත්කාරකත්වය ලංකාවට දුන්නොත් තරඟාවලිය වර්ජනය කරනවා- පකිස්ථානය
Friday, 12 May 2023 - 1:44 pm
ආසියානු කුසලානයේ සත්කාරකත්වය ශ්‍රී ලංකාවට ලබාදීමට දැඩි සේ විරුද්ධ බවත් පකිස්ථානයට හිමි සත්කාරකත්වය අහිමි වුවහොත් තරඟාවලිය වර්ජනය කිරීමට පකිස්ථාන ක්‍රිකට් ආයතනය සුදානම් බව ප්‍රෙස් ට්‍රස්ට් ඔෆ් ඉන්දියා ප්‍රවෘත්ති ඒජන්සිය වාර්තා කළේය.
පාකිස්තාන ක්‍රිකට් පාලක මණ්ඩලයේ අතුරු කමිටු ප්‍රධානී නජාම් සේති ඩුබායිහිදී ආසියානු ක්‍රිකට් සංගමයේ නිලධාරීන් සමඟ පැවැත්වූ සාකච්ඡාවකදී මේ වසරේ සැප්තැම්බර් මාසයේදී පාකිස්තානය විසින් සත්කාරකත්වය දරනු ලබන ආසියානු කුසලානය ශ්‍රී ලංකාවට ගෙනයාමේ යෝජනාවට දැඩි සේ විරුද්ධ විය. ඉන්දු -පකිස්ථාන අර්බුදය හේතුවෙන් ඉන්දියාව තම කණ්ඩායම පාකිස්තානයට යැවීම ප්‍රතික්ෂේප කිරීම හේතුවෙන් මේ අර්බුදය මතුවුණා.
රටවල් දෙකක තරඟාවලිය පැවැත්වීම කෙරෙහිද අවධානය යොමු වී ඇති අතර තවමත් අවසන් එකඟතාවකට පිවිසීමට ආසියානු ක්‍රිකට් කවුන්සියට හැකි වී නැහැ.
