ස්පාඤ්ඤ පාපන්දු සම්මේලනයේ සභාපති ලුවිස් රුබියාලේස් ඉල්ලා අස්වී තිබෙනවා.
ඒ ඔහු පසුගියදා පැවති කාන්තා ලෝක කුසලාන පාපන්දු අවසාන මහා තර‍ගයේ ජයග්‍රහණයෙන් පසුව ස්පාඤ්ඤ පාපන්දු ක්‍රීඩිකාවක සිපගැනීම සම්බන්ධයෙන් ඇති වූ මතභේද හේතුවෙන් බව විදෙස් මාධ්‍ය වාර්තා කරයි.
මේ හේතුවෙන් ඔහු දැරූ සභාපති තනතුර මෙන්ම යුරෝපා ලීග් පාපන්දු කමිටුවේ උප සභාපති ධුරයෙන් ද ඉවත් වීමට සිදු වූ අතර මේ සම්බන්ධයෙන් අදාල ක්‍රීඩිකාව ඔහුට විරුද්ධව නඩුවක් ද ගොනු කර තිබෙන බව විදෙස් මාධ්‍ය වාර්තා කරනවා.
