සරුංගලයක ආරවුලක් නිසා මාතර වයස 16ක ශිෂ්‍යයෙකුගේ අතට එල්ල වූ කඩු ප්‍රහාරයකින් අත වෙන්වෙයි
Friday, 26 May 2023 - 8:30 pm
(තරංග ගුණරත්න -වැලිගම)
මාතර වේරගම්පිට ප්‍රදේශයේදී ආරවුලක් දුරදිග යාමෙන් පසු පාසල් ශිෂ්‍යයකුගේ දකුණු අත වෙන්වන සේ කඩුවකින් පහරදී ඇතැයි මාතර පොලිසිය කියයි.සරුංගලයක් සම්බන්ධයෙන් ඇතිවූ ආරවුලක් දුරදිග යාමෙන් හේතුවෙන් වයස 16 පමණ වන පාසල් ශිෂ්‍යයෙකුට මාතර පොලිස් වසමේ වේරගම්පිට අම්බලම අසල දි (25 ) දින පස්වරුවේදී මෙම පහරදීම සිදුකොට ඇති බව පොලිසිය කියයි.
එහිදී පාසල් ශිෂ්‍යයාගේ දකුණු අත වෙන් වී බරපතල තුවාල ලබා මාතර මහ රෝහලට ඇතුළත් කිරීමෙන් පසුව වැඩිදුර ප්‍රතිකාර සඳහා කොළඹ ජාතික රෝහලට මාරු කර ඇති බව රෝහල් ආරංචි මාර්ග කියයි.
කඩුවෙන් පහර දුන් බව කියන මාතර වේරගම්පිට ප්‍රදේශයේ පදිංචි පුද්ගලයන් දෙදෙනෙකු මාතර පොලිසිය මගින් අත්අඩංගුවට ගෙන කොටවිල මහේස්ත්‍රාත් අධිකරණය වෙත ඉදිරිපත් කිරීමට නියමිතව තිබිණි. මේ සිද්ධිය සම්බන්ධයෙන් මාතර පොලිසිය පරීක්ෂණ මෙහෙයවති.
